კლოპი: “საუბედუროდ, ტუჰელი ნამდვილად კარგი სპეციალისტია”
ტომას ტუჰელი ლონდონის “ჩელსის” მთავარ მწვრთნელად ოფიციალურად წარადგინეს. ამ ამბავს მისი თანამემამულე და ახლა უკვე მეტოქე, იურგენ კლოპი, გამოეხმაურა.
“ორი რამ მოხდა. ერთი ის, რომ ლამპარდმა სამსახური დაკარგა და უნდა აღვნიშნო, რომ ჩემთვის ეს საკმაოდ მძიმე იყო.
ზაფხულის სატრანსფერო ფანჯარაზე “ჩელსიმ” დიდებული სამუშაო გასწია და გუნდში უძლიერესი ფეხბურთელები მოიყვანა. მათ ადაპტაციას დრო სჭირდება. ასე ნაადრევად გადაწყვეტილების მიღება არასწორი მგონია, მაგრამ აბრამოვიჩი მსოფლიოში ყველაზე მომთმენი ადამიანი ნამდვილად არ არის.
ნამდვილად ვწუხვარ ფრენკის გამო. ის ჯერ კიდევ ახალგაზრდაა, ძალიან ნიჭიერი. მას მხოლოდ საუკეთესოს ვუსურვებ. რასაკვირველია, ის თავს მიხედავს. თუმცა მტკივნეულია, როდესაც ეს საკუთარ კლუბში ხდება.
რაც შეეხება ტომას ტუჰელს, ის დიდებული მწვრთნელია. საუბედუროდ, ტუჰელი ნამდვილად კარგი სპეციალისტია. მას საკმაოდ დიდი ხანია ვიცნობ და დიდ პატივს ვცემ. დარწმუნებული ვარ, რომ ის “ჩელსისთან” ერთად წარმატებებს მიაღწევს,” – აცხადებს კლპი.
