“დინამო ბათუმის” 4 კედელი – 4 “საბურთალო”

“დინამო ბათუმში” “საბურთალოს” ყოფილი კაპიტანი, 24 წლის მცველი გაგი მარგველაშვილი ითამაშებს.

მარგველაშვილს კარიერა უნგრეთში უნდა გაეგრძელებინა, წავიდა კიდეც საზღვარგარეთ, “მეზოკოვეშდის” რიგებში 2 საკონტროლო მატჩი ჩაატარა, თუმცა მწვრთნელმა აღარ დაიტოვა. საქართველოში, თბილისის “ლოკომოტივში” ვარჯიშობდა, მაგრამ ბოლოს თავი ბათუმში ამოყო.

გაგიმ “დინამოსთან” 2-წლიანი კონტრაქტი გააფორმა და დიდ კონკურენციაში შევიდა. გუნდში მას ოლექსანდრ აზაცკი, მამუკა კობახიძე და მალხაზ გაგოშიძე დახვდნენ.

“დინამომ” “საბურთალოდან” უკვე მე-4 მოთამაშე დაიმატა – ლაზარე კუპატაძე, სანდრო ალთუნაშვილი, გრიგოლ ჩაბრაძე და მარგველაშვილი. ფანცულაია “ტორპედოდან”, ვამარა სანოგო “ლეგიადან”, გიორგი ზარია “დინამოდან და ლუკას გროზურეკი ავსტრიიდან.