ედენ აზარი ტრავმებზე: “ეს დასასრული არ არის”

მადრიდის “რეალის” ბელგიელ ვარსკვლავს, ედენ აზარს, კვლავ ტრავმები ტანჯავს. ბოლო ინფორმაციით “ჩელსიდან” 100-მილიონ ევროდ ნაყიდი ფეხბურთელი მოედანს კიდევ 3-4 კვირა ვერ დაუბრუნდება.

“იმედი მაქვს, რომ ფეხბურთს რაც შეიძლება დიდხანს ვითამაშებ. ყოველთვის ვცდილობ, რომ თამაშით სიამოვნება მივიღო. თუმცა მომავალზე ბევრს არ ვფიქრობ და ვარჯიშზე ფიქრს ვამჯობინებ.

30 წელი ახლახან შემისრულდა და სანამ ჩემი სხეული საშუალებას მომცემს, თამაშს გავაგრძელებ. მინდა, რომ კარიერა მინიმუმ 5-6 წლის შემდეგ დავასრულო.

რაღაც მხრივ იღბლიანი ვარ, რომ ტრავმიანობის დროს სახლში ვარ და ჩემ ოჯახთან ყოფნით სიამოვნებას ვიღებ. ეს დასასრული არ არის. რთული მაშინ იქნებოდა, მარტო რომ ვყოფილიყავი,” – აცხადებს აზარი.