ტიერი ანრი ინგლისურ გუნდს ჩაიბარებს

მომდევნო კვირას “ბორნმუთის” მთავარი მწვრთნელის პოსტზე შესაძლოა, ტიერი ანრი დაინიშნოს.

აღნიშნული თანამდებობა ვაკანტური 3 თებერვალს გახდა, როდესაც ჯეისონ ტინდალი გაათავისუფლეს. “ბორნმუთის” თავკაცის პოსტზე დანიშვნის მთავარი კანდიდატი ტიერი ანრია, რომელიც დღესდღეობით “მონრეალ იმპაქტს” უდგას სათავეში. ინგლისელები კანადური კლუბისგან ოფიციალურ ნებართვას ითხოვენ, რათა ფრანგ სპეციალისტთან პირადი კონტრაქტის დეტალებზე მოლაპარაკება დაიწყონ.

ტიერი ანრი “მონრეალს” 2019 წლის ნოემბრიდან თავკაცობს და პირველივე სეზონში გუნდი MLS-ის პლეი-ოფში გაიყვანა, რაც 2016 წლის შემდეგ პირველად მოხდა.

“ბორნმუთს” ინგლისის ჩემპიონშიფის სატურნირო ცხრილში ამ დროისთვის მეექვსე ადგილი უკავია. ტიერი ანრის მიზნად გუნდის პრემიერლიგაში გადმოყვანას დაუსახავენ.