ბექჰემმა მესისა და რონალდუს შესაძლო ტრანსფერებზე გააკეთა კომენტარი
დევიდ ბექჰემმა პრესასთან საუბრისას აღიარა, რომ მის მფლობელობაში მყოფი “ინტერ მაიამი” მომავლშიც შეეცდება ევროპულ ფეხბურთში მოასპარეზე ვარსკვლავების გადაბირებას.
“პირველივე დღიდან ვამბობ, რომ ჩვენი აკადემია კლუბის პროექტში უდიდეს როლს თამაშობს. თუ აკადემიის ფეხბურთელები პირველ გუნდში დაწინაურდებიან, ეს მხოლოდ გაგვახარებს.
მაგრამ ვაანალიზებთ იმ ფაქტსაც, რომ “მაიამის” ფანებს გუნდში ვარსკვლავების ხილვაც სურს. ჩვენ უკვე გვყავს ისეთი ფეხბურთელები, როგორებიც გონსალო იგუაინი და ბლაისე მატუიდი არიან. თუმცა ჩვენთვის ეს საკმარისი არ არის.
ლეო მესი და კრიშტიანუ რონალდუ? ისინი უმაღლეს დონეზე თამაშობენ და ბოლო 15 წლის მანძილზე ინარჩუნებენ ხარისხს. ყოველივე ეს დაუღალავი შრომისა და მცირეოდენი იღბლის დამსახურებაა. რა თქმა უნდა, ჩვენ გუნდში მათი მოსვლა ძალიან კარგი რამ იქნება.
სერ ალექს ფერგიუსონი შესაფერისი ფეხბურთელების შერჩევის ოსტატი იყო. მას გუნდში საუკეთესო ფეხბურთელები კი არა, სწორი, შესაფერისი მოთამაშეები მოყავდა,” – აცხადებს ბექჰემი.
