მანჩესტერულ დერბიში “მანჩესტერ იუნაიტედმა” გაიმარჯვა (ვიდეო)

პრემიერ ლიგის 27-ე ტურის ცენტრალური დაპირისპირება “ეტიჰად სტედიუმზე” გაიმართა. ჩემპიონობისთვის ბრძოლაში დაწინაურებულმა “მანჩესტერ სიტიმ” საკუთარ კედლებში უახლოესი მდევარი “მანჩესტერ იუნაიტედი” მიიღო.

ფეხბურთის ექსპერტები ფავორიტად პეპ გუარდიოლას გუნდს მიიჩნევდნენ, თუმცა მათი პროგნოზები არ გამართლდა. ანგარიში “მანკუნიანელებმა” სწრაფი გოლით გახსნეს – თავი ბრუნო ფერნანდეშმა გამოიჩინა თერთმეტმეტრიანის ნიშნულიდან.

გაშვებული გოლის შემდეგ “ქალაქელები” უფრო აძლიერებდნენ ზეწოლას მეტოქე გუნდზე, თუმცა ამაოდ. თამაშის 50-ე წუთზე ლუკ შოუს მიერ გატანილი გოლი გადამწყვეტი გამოდგა – მანჩესტერული დერბი “იუნაიტედის” გამარჯვებით დასრულდა.

შედეგად, 28 ტურის შემდეგ “მანჩესტერ სიტი” სატურნირო ცხრილს 65 ქულით ლიდერობს, მეორე პოზიციას კი ოლე გუნარ სულშერის გუნდი იკავებს 54 ქულით.