ირაკლი აბუსერიძე: “თუ ერთხელ მაინც დაგიკრავთ ტაში ბორჯღალოსნებისთვის…”
საქართველოს რაგბის კავშირის პრეზიდენტობის კანდიდატმა, ირაკლი აბუსერიძემ სოციალურ ქსელში განცხადება გამოაქვეყნა და ბოლოდროინდელ მოვლენებს გამოეხმაურა.
“ოთხშაბათს, ტყემალაძის დაცვა, 3 სარაგბო კლუბის მაგივრად მისცემს ხმას არჩევნებზე! სულში გვაფურთხებენ! მშენებლის დაცვა, 3 სარაგბო კლუბის ნაცვლად დასვამს ხელმოწერას და ქართულ რაგბს განაჩენს გამოუტანს!
თუ გიყვართ რაგბი, გტკივათ რაგბი, ერთხელ მაინც დაგიკრავთ ტაში ბორჯღალოსნებისთვის, თავად ხართ მორაგბე, გულშემატკივარი თუ უბრალოდ მოქალაქე ვისაც ქართული სარაგბო წარმატებით ერთხელ მაინც უამაყია – გამოდით! გამოდით და გვერდზე დაგვიდექით სანამ რაგბის მომავლის კარი საბოლოოდ ამოგვიშენეს!
ეს არ არის მოწოდება, ეს არის ჩემი, მორაგბე ირაკლი აბუსერიძეს და ჩემი თანამებრძოლი მორაგბეების თხოვნა. ჩვენ მთელი ცხოვრება შევწირეთ ქართულ რაგბს და ქართველ გულშემატკივარს და ახლა, ამ გადამწყვეტ შერკინებაში, გადამწყვეტი გამარჯვებისთვის, ყველაზე მეტად თქვენი ძალა გვჭირდება!
ვისაც მოგწვდათ ჩვენი ხმა, ოთხშაბათს, 10 მარტს, 12 საათზე, დიდუბის გამოფენასთან შეგხვდებით.
წარმატების ერთადერთი გზა თავისუფლებაა და თავისუფლება რაგბის ხვედრია!” – ვკითხულობთ განცხადებაში.
