პენალტების რამდენი პროცენტი აქვს რეალიზებული მესის კარიერაში?

“პარი სენ-ჟერმენმა” ჩემპიონთა ლიგის მერვედფინალური ეტაპიდან კატალონიის “ბარსელონა” გამოადგდო. ორმატჩიანი დაპირისპირება პარიზული გრანდის გამარჯებით, ანგარიშით 5:2 დასრულდა.

საფრანგეთში გამართულ მატჩში “ბლაუგრანას” სუპერვარსკვლავმა, ლეო მესიმ, ჩემპიონთა ლიგის ისტორიაში 120-ე გოლი გაიტანა. მესი კიდევ უფრო მიუახლოვდა კრიშტიანუ რონალდუს, რომლის ანგარიშზეც ლიგაზე გატანილი 134 გოლია.

თუმცაღა ამავე მატჩში ლეო მესიმ თერთმეტმეტრიანიდან გოლის გატანა ვერ შეძლო. ბოლოს მესიმ ჩემპიონთა ლიგაზე პენალტი 2015 წელს გააცუდა, “მანჩესტერ სიტისთან” მატჩში. მას შემდეგ კი ზედიზედ 8 პენალტი გაიტანა.

კარიერის განმავლობაში ლეოს 131-ჯერ აქვს თერთმეტმეტრიანი შესრულებული (პენალტების სერიის ჩათვლით). ძირითად დროში მესიმ გაიტანა 98 პენალტი, გააცუდა – 28. პენალტების სერიაში კი ოთხჯერ გაიტანა, ერთხელ კი ვერ. საერთო ჯამში ლეო პენალტებს 77.86% სიზუსტით ასრულებს.