“ღმერთის დაბრუნება” – ზლატანი შვედეთის ნაკრებში დაბრუნებას გამოეხმაურა

“მილანის” 39 წლის თავდამსხმელი ზლატან იბრაჰიმოვიჩი შვედეთის ეროვნულ ნაკრებში დაბრუნდა. შვედთა მთავარმა მწვრთნელმა, იანე ანდერსონმა ის მარტში გასამართი მატჩებისათვის შემადგენლობაში დაასახელა.

იბრაჰიმოვიჩმა, რომელსაც შვედეთის ნაკრებში 2016 წლის შემდეგ აღარ უთამაშია, სოციალურ ქსელში პოსტი გამოაქვეყნა და მისი დაბრუნების ამბავს ასე გამოეხმაურა: “ღმერთის დაბრუნება.”

შვედები მსოფლიოს 2022 წლის ჩემპიონატის შესარჩევ ეტაპზე, 25 მარტს საქართველოს უმასპინძლებენ, სამ დღეში კი კოსოვოს ესტუმრებიან. იანეს ანდერსონის გუნდი 31 მარტს ესტონეთის წინააღმდეგ ამხანაგურ შეხვედრას გამართავს.

View this post on Instagram

A post shared by Zlatan Ibrahimović (@iamzlatanibrahimovic)