ვინ გამოიმუშავებს ყველაზე მეტს პრემიერ ლიგაში?

გავლენიანი ფრანგული გამოცემა L’Equipe ბრიტანული პრემიერ ლიგის ყველაზე მაღალანაზღაურებადი ფეხბურთელებისა და მწვრთნელების რეიტინგს აქვეყნებს.

რამდენად გასაკვირიც არ უნდა იყოს, პრემიერ ლიგაში თამაშით ყველაზე მეტს გარეტ ბეილი გამოიმუშავებს. “რეალის” მიერ “ტოტენჰემში” განათხოვრებული უელსელი ფეხბურთელი ხელფასის სახით 2.5 მილიონ ევროს იღებს თვეში. თუმცა ხელფასის დიდ ნაწილს “ბლანკოსი” იხდის.

მეორე პოზიციას “მანჩესტერ იუნაიტედის” მეკარე დავიდ დე ხეა იკავებს (1.85 მილიონი ევრო). რეიტინგში შემდეგ პოზიციებს იკავებენ კევინ დე ბრუინი (1.58 მილიონი ევრო), რაჰიმ სტერლინგი (1.48 მილიონი ვრო) და პოლ პოგბა (1.43 მილიონი ევრო).

პრემიერ ლიგის ყველაზე მაღალანაზღაურებადი მწვრთნელი კი პეპ გვარდიოლა გახლავთ. ის თვეში 1.89 მილიონ ევროს იღებს ხელფასის სახით. მეორე და მესამე პოზიციებს ჟოზე მოურინიო და იურგენ კლოპი იყოფენ (1.42 მილიონი ევრო).