პოჩეტინო: “პსჟ” და მბაპე კონტრაქტის გახანგრძლივებაზე მუშაობენ”

“პარი სენ-ჟერმენის” მთავარმა მწვრთნელმა, მაურისიო პოჩეტინომ, კილიან მბაპეს შესაძლო ტრანსფერის შესახებ გავრცელებულ სატრანსფერო ჭორებზე ისაუბრა.

“მსგავსი ტიპის სპეკულაციებს მიჩვეულნი ვართ. როდესაც უმაღლესი დონის კლუბებსა და ფხბურთელებზე ვსაუბრობთ, ჭორები ყოველთვის იარსებებენ.

ყველაზე მნიშვნელოვანი არის ის ფაქტი, რომ თავად კილიანი ჩუმად არის. ის ჩუმადაა და სრულად არის კონცენტრირებული თავის სამუშაოზე. ასაკის მიუხედავად მბაპე საკმაოდ ზრდასრული ფეხბურთელია.

როგორც კლუბი ასევე ფეხბურთელი ცდილობს, რომ საერთო შეთანხმება შედგეს და კილიანი პარიზში კიდევ დიდიხნის მანძილზე დარჩეს. ეს კლუბის სურვილია და ყველაფერზე ვმუშაობთ.

შეუძლებელია იმის კონტროლი, რაც ხდება ჩვენგან დამოუკლიდებლად. აქვს თუ არა ამას რაიმე გავლენა ფეხბურთელის თამაშზე ან გუნდში არსებულ ატმოსფეროზე? არანაირი,” – აცხადებს პოჩეტინო.