მსაჯი, რომელმაც ჰოლანს ავტოგრაფი გამოართვა, დისკვალიფიკაციით დასაჯეს

ჩემპიონთა ლიგის მეოთხედფინალური ეტაპზე “მანჩესტერ სიტისა” და დორტმუნდის “ბორუსიას” შორის გამართული მატჩის (2:1) შემდეგ შეხვედრის ერთ-ერთმა გვერდითმა არბიტრმა ოქტავიან სოვრემ გერმანული გუნდის ლიდერ ერლინგ ჰოლანს ავტოგრაფი სთხოვა. რუმინეთის ფეხბურთის ფედერაციის სამსაჯო კომიტეტმა აღნიშნულთან დაკავშირებით იმსჯელა და სოვრეს რუმინეთის ჩემპიონატის მიმდინარე გათამაშების ბოლომდე მუშაობის უფლება შეუჩერა.

როგორც გაირკვა, რუმინელი არბიტრი სიმბოლურ ნივთებს აგროვებს, რომლებიც აუქციონზე გააქვთ. მიღებული თანხით სამედიცინო ცენტრს ეხმარებიან, რომლის პროფილიც აუტიზმის მძიმე ფორმის მქონე პირების დახმარებაა.

ოქტავიან სოვრეს უეფას სამსაჯო კომიტეტის წარმომადგენელმა, ყოფილმა არბიტრმა რობერტო როზეტიმაც გააკრიტიკა.