ბექჰემი: “თამაში, რომელიც ასე გვიყვარს, საფრთხეშია”

მსოფლიო ფეხბურთის ლეგენდა და “ინტერ მაიამის” მფლობელი, დევიდ ბექჰემი, ევროპის სუპერლიგის შექმნას კრიტიკულად უყურებს. შეგახსენებთ, რომ 19 აპრილს ევროპის თორმეტმა გრანდმა ოფიციალურად დააანონსა ახალი ევროპული ტურნირის შექმნა.

“მე ვარ ადამიანი, რომელსაც ძალიან უყვარს ფეხბურთი. ფეხბურთი ჩემი ცხოვრებაა, რაც თავი მახსოვს.

ეს სპორტი ბავშვობიდან მიყვარს. მაშინ პატარა ფანი ვიყავი და ახლაც ფანად ვრჩები. როგორც ფეხბურთელსა და კლუბის მფლობელს, სრულად მესმის, რომ ფეხბურთი ფანების გარეშე არაფერია.

ფეხბურთი ყველასთვის ღია უნდა იყოს. ფეხბურთი სამართლიანობის მაგალითად უნდა გვესახებოდეს როგორც ჩვენ, ასევე ახალგაზრდა თაობებს. თუ ამ ღირებულებებს არ დავიცავთ, თამაში,რომელიც ასე გვიყვარს, საფრთხეში იქნება,” – აცხადებს ბექჰემი.