ხვიჩა კვარაცხელიამ ლუიშ ფიგუს შეკითხვა ქართულად დაუსვა – პორტუგალიელის პასუხი (ვიდეო)
Youtube-ში, ერთ-ერთ რუსულ არხზე ვიდეო გამოქვეყნდა, სადაც ვეტერანი ფეხბურთელი ლუიშ ფიგუ რუსეთში მოთამაშე ფეხბურთელებს, სპორტსმენებსა და სხვადასხვა პროფესიის წარმომადგენელთა შეკითხვებს პასუხობს.
ერთ-ერთი, ვინც ფიგუს შეკითხვა დაუსვა, ყაზანის “რუბინის” ქართველი გარემარბი, ხვიჩა კვარაცხელიაა.
ხვიჩა კვარაცხელია: “ლუიშ ფიგუ, შენ ხარ ერთადერთი ფეხბურთელი, ვინც “ბარსელონადან” მადრიდის “რეალში” გადავიდა. ჩემი კითხვა არის ასეთი – როგორ გაუძელი გულშემატკივრების შეტევას?”
ლუიშ ფიგუ: “ჩემი აზრით, ყველა ადამიანი ზეწოლაზე განსხვავებულად რეაგირებს. წნეხი მაძლევდა იმის საშუალებას, რომ სულ ტონუსში ვყოფილიყავი. ჩემი აზრით, ყველაზე მთავარი ისაა, რომ შენ საქმეზე იყო კონცენტრირებული და იმაზე, რასაც აკეთებ, გააუმჯობესო შენი უნარები და ფოკუსირებული იყო თამაშზე. უნდა სცადო იმის აბსტრაგირება, რაც გარედან, პრესიდან და ფანებიდან მოდის. ეს არის საუკეთესო რამ, რისი გაკეთებაც შეგიძლია.”
