კვარაცხელია: ‘რუსეთის ნაკრები? ნებისმიერ შემთხვევაში, საქართველოს ნაკრებში ვითამაშებდი’
ყაზანის “რუბინის” ქართველ გარემარბ ხვიჩა კვარაცხელიას რუსულმა პორტალმა “ბიზნეს ონლაინმა” ვრცელი ინტერვიუ ჩამოართვა, სადაც გარკვეული ნაწილი საქართველო-რუსეთის ურთიერთობასა და რუსეთის ნაკრებში შესაძლო თამაშს ეხებოდა.
– როგორია რუსეთის მიმართ ზოგადი დამოკიდებულება საქართველოში შენი თაობის მხრიდან?
– ეს პოლიტიკური შეკითხვაა. ამაზე კომენტარის გაკეთება არ მსურს.
– წარმოიდგინე ასეთი სიტუაცია: ლეონიდ სლუცკი რუსეთის ეროვნული ნაკრების მწვრთნელი გახდა და შენ ჩვენს ნაკრებში მოგიწვია. რას უპასუხებდი?
– მე ქართველი ვარ, საქართველოში დავიბადე და ნებისმიერ შემთხვევაში, ჩემი ქვეყნის ნაკრებში ვითამაშებდი. დიახ, საქართველოს ნაკრებთან ერთად მსოფლიოსა და ევროპის ევროპის ჩემპიონატზე მოხვედრის შანსი ნაკლებია, მაგრამ ეს ჩემი სამშობლოა. რაიან გიგსმა უელსის ნაკრებში ითამაშა და დიდ ტურნირზე ვერ მოხვდა, შემდეგ კი გარეტ ბეილმა უელსი ევროპის ჩემპიონატზე გაიყვანა. ყველას საკუთარი გზა აქვს.
