ვინ ჩაიბარებს “ტოტენჰემს”? ლონდონში ოთხ ვარიანტს განიხილავენ

ლონდონის “ტოტენჰემმა” მიმდინარე სეზონში დაფიქსირებული არასახარბიელო შედეგების გამო გუნდიდან პორტუგალიელი სპეციალისტი ჟოზე მოურინიო დაითხოვა.

გავლენიანი იტალიელი ჟურნალისტი, ნიკოლო სკირა, ირწმუნება, რომ ამ დროისთვის “დეზების” პრიორიტეტს იულიან ნაგელსმანის გადაბირება წარმოადგენს. “ლაიფციგის” თავკაცის ტრანსფერით მიუნხენის “ბაიერნიც” გახლავთ დადინტერესებული.

ლონდონის ჩრდილოეთით ასევე განიხილება გუნდში ბრენდან როჯერსის (“ლესტერ სიტი”), მარსელინიოსა (“ატლეტიკი”) და რობერტო მარტინესის (უელსის ნაკრები) მოყვანის შესაძლებლობები.

ერთი რამ, რაც იულიან ნაგელსმანის ტრანსფერის შემთხვევაში სიტუაციას ართულებს, გერმანელი სპეციალისტის ხელშეკრულებაში ჩადებული გამოსყიდვის პუნქტია – “ლაიფციგი” ახალგაზრდა მწვრთნელის სანაცვლოდ 30 მილიონ ევროს ითხოვს.