“ინტერის” ფეხბურთელები ჩემპიონობის ბონუსზე უარს იტყვიან

მილანის “ინტერი” ტურინის “იუვენტუსის” ჰეგემონიის დამხობასა და “სკუდეტოს” მოგებასთან ძალიან ახლოს იმყოფება. ჩემპიონატის დასრულებამდე 5 ტურით ადრე “ნერაძური” უახლოეს მდევად “ატალანტას” 11 ქულით უსწრებს.

FCInter1908-ს მიერ გავრცელებულ უახლეს ცნობებს თუ დავეყრდნობით, “ინტერის” ფეხბურთელები ჩემპიონატის მოგების შემთხვევაში ბონუსებზე უარს იტყვიან. ამით ისინი მილანურ კლუბს კორონავირუსის მიერ გამოწვეული კრიზისის დაძლევაში დაეხმარებიან.

“ინტერი”, შესაძლოა, ჩემპიონი მომდევნო ტურშიც გახდეს. ამისთვის, ანტონიო კონტეს შეგირდებმა “კროტონე” უნდა დაამარცხოს, “ატალანტამ” კი “სასუოლოს” ვერ უნდა მოუგოს.

აქვე გეტყვით, რომ ანალოგიურ ჟესტს მიმართეს “რეალის” ფეხბურთელებმაც.