დე ბრუინის კომენტარი “პარი სენ-ჟერმენთან” გამარჯვების შემდეგ

“მანჩესტერ სიტის” ნახევარმცველმა, კევინ დე ბრუინმა ჩემპიონთა ლიგის ნახევარფინალურ ეტაპზე “პარი სენ-ჟერმენთან” გამართულ პირველ შეხვედრაში გამარჯვების (1:2) შემდეგ კომენტარი გააკეთა.

“ორი განსხვავებული ტაიმი იყო. პირველ 10 წუთში კარგად ვთამაშობდით და ბურთსაც ვაკონტროლებდით, მაგრამ პსჟ შესანიშნავი გუნდია. 25 წუთის შემდეგ, პრესინგი გავაუმჯობესეთ. მეორე ნახევარში ბევრად, ბევრად უკეთესები ვიყავით. მეორე ტაიმში ვცადეთ, რომ უფრო მეტი სივრცე გვეპოვა და ეს გამოგვივიდა.

ჩემი გოლის მომენტი? ასეთ დრო მეკარისთვის თამაში რთულია, რადგან ის ელოდება, რომ ბურთს ვინმე შეეხება. რაც შეეხება მაჰრეზის გოლს, მან მკითხა შეეძლო თუ არა საჯარიმოს შესრულება. რიადმა გოლი გაიტანა და სათქმელიც არაფერია.

ვიცოდით, რომ ამ მატჩში რთული მომენტები გვექნებოდა. ვიცოდით, რომ ძლიერი მოწინააღმდეგე გვეყოლებოდა, თუმცა ისიც ვიცოდით, რომ მათ წინააღმდეგ თამაში შეგვეძლო”, – ციტირებს დე ბრუინის სიტყვებს უეფას ოფიციალური ვებ-გვერდი.