ლუკაკუ: “ზლატანის მსგავსი ფეხბურთელები სერია A-ს სჭირდება”
“ინტერის” თავდამსხმელმა რომელუ ლუკაკუმ ზლატან იბრაჰიმოვიჩთან დაპირისპირება გაიხსენა და შვედი ფეხბურთელის შესახებ ისაუბრა.
შეგახსენებთ, რომ მილანური დერბის პირველი ტაიმის მიწურულს ლუკაკუსა და იბრაჰიმოვიჩს შორის სიტუაცია დაიძაბა. ბელგიელმა შვედი ფორვარდი რასისტულ შეურაცხყოფაში დაადანაშაულა.
“ანგარიში 1:0 იყო, “მილანის” სასარგებლოდ. საგოლე მომენტი ვერ გამოვიყენე და ცოტათი გაბრაზებული ვიყავი. ზლატანის სიტყვებმა ჩემზე იმოქმედა. როცა გავაანალიზე, ჩემი რეაქციით ბედნიერი არ ვყოფილვარ. იბრაჰიმოვიჩი დიდი ფეხბურთელია. სადაც იყო, ყველაფერი მოიგო და 500 გოლზე მეტიც გაიტანა. სანამ “მანჩესტერ იუნაიტედში” ერთად ვიყავით, ერთმანეთთან კარგი ურთიერთობა გვქონდა.
სერია A-ში ზლატანის მსგავსი ფეხბურთელები გვჭირდება. მას საკუთარი თავისთვის უნდა მოგება, მე მინდა, რომ “ინტერისთვის” მოვიგო, ხოლო რონალდუს – “იუვენტუსისთვის”. ახლა “რომაში” ჟოზე მოურინიო მივიდა. ეს იტალიური ფეხბურთისათვის კარგია”, – უთხრა ლუკაკუმ Il Corriere della Sera-ს.
Zlatan and Lukaku are going at it 😳 pic.twitter.com/yMLFI72tiz
— ESPN FC (@ESPNFC) January 26, 2021
