“ფიორენტინას” პრეზიდენტმა ჟურნალისტებს კლუბის ყიდვა შესთავაზა

“ფიორენტინას” პრეზიდენტმა, როკო კომისომ, ჟურნალისტებთან შეხვედრისას კრიტიკას ირონიულად უპასუხა და მედიის წარმომადგენლებს კლუბის შესყიდვა შესთავაზა.

“რამდენი დახარჯა დე ლაურენტისმა “ნაპოლიში”? არაფერი. ლოტიტომ “ლაციოს” რამდენი დაახარჯა? პრაქტიკულად არაფერი. კრაუზემ “პარმას” მხოლოდ 60 მილიონი დაახარჯა.

ჩემ შემთხვევაში საუბარია რეალურ თანხებზე, თუმცა ფლორენციაში ამაზე საუბარი არ უყვრთ. ფლორენციელები უფრო კარგ მმართველს იმსახურებენ, ვიდრე მე ვარ. როგორ შევცვალოთ ეს? მზად ვარ კლუბი გავყიდო.

“ფიორენტინა” 170 მილიონ ევროდ შევიძინე. 80 მილიონი ევრო საბუღალტრო საქმიანობებმა მოითხოვა, 85 მილიონი კი სპორტული ცენტრის აშენებამ. ფლორენციელები მდიდრები ხართ, მინდა მე ამერიკაში გავფრინდე, კლუბი კი აქაურ მცხოვრებს მივყიდო.

კლუბს 335 მილიონ ევროდ ვყიდი და დროს 10 დღეს გაძლევთ. მინიმალური დეპოზიტი 35 მილიონი უნდა იყოს, მყიდველი კი – ფლორენციელი. შანსს გაძლევთ.

“მილანს”, “ინტერს”, “იუვენტუსსა” და “რომას” ვალები აქვთ, ჩვენ კი არ გვაქვს. შესანიშნავი შესაძლებლობაა,” – აცხადებს კომისო.