გადაწყვეტილია – დანი სებალოსი “არსენალიდან” მიდის

ლონდონის “არსენალში” ჩატარებული ორი სეზონის შემდეგ დანი სებალოსი კლუბს ტოვებს. “რეალის” მიერ განათხოვრებულმა ფეხბურთელმა, რომლის მთავარ სიძლიერედაც კრეატიულობას ასახელებდნენ, მხოლოდ ხუთი საგოლე გადაცემით გამოიჩინა თავი პრემიერ ლიგაში.

“მადლობა მინდა გადავუხადო “არსენალსა” და ყველა იმ ფანს, რომელმაც გულთბილად მიმიღო ჩემი მოსვლის პირველივე დღიდან. “მეთოფედ” ყოფნის ბრწყინვალე გამოცდილება მივიღე, ჩემთვის დიდი პატივი იყო თქვენი ოჯახის წევრობა.

ბევრი მიზეზის გამო ეს წელი ძალიან განსხვავებული იყო. საშინაო არენაზე ჩვენი გულშემატკივრების გარეშე გვიწევდა თამაში, რაც ძალიან რთული იყო.

დარწმუნებული ვარ, რომ “არსეალი”, როგორც ისტორიული კლუბი, მალე დაბრუნდება თავის კუთვნილ ადგილზე და გააგრძელებს ტიტულების მოგებას,” – აცხადებს სებალოსი.

ასე რომ, 24 წლის ფეხბურთელი მადრიდში დაბრუნდება, სადაც მისი მომავალი უნდა გაირკვეს. სებალოსმა “ბლანკოსთან” 2017 წელს ექვსწლიან ხელშეკრულებას მოაწერა ხელი, რომელიც 2023 წელს იწურება.