კონტეს წასვლის შემდეგ, ლუკაკუს მომავალი კითხვის ნიშნის ქვეშ დადგა

უცხოურ პრესაში გავრცელებულ უახლეს ცნობებს თუ დავეყრდნობით, ანტონიო კონტეს “ინტერიდან” წასვლა დიდი ალბათობით ლუკაკუს მომავალზეც იქონიებს გავლენას.

რამდენადაც ცნობილი ხდება, ანტონიო კონტე ერთ-ერთი მთავარი მიზეზი იყო, რის გამოც რომელუ ლუკაკუ ორი წლის წინ “ინტერში” ტრანსფერს დათანხმდა.

Sky Sports-ის ცნობით, ბელგიელი ვარსკვლავი მზად არის ახალი გამოწვევები მიიღოს და მილანური კლუბი დატოვოს.

ლუკაკუს “ნერაძურისთან” ხელშეკრულება 2024 წლამდე აქვს გაფორმებული. ახლა ის შვებულებაში იმყოფება, რის შემდეგაც ბელგიის ნაკრებს უნდა შეუერთდეს ევრო-2020-ზე სათამაშოდ.

მიმდინარე სეზონში 28 წლის თავდამსხმელმა სერია A-ს 36 მატჩში მიიღო მონაწილეობა, გაიტანა 24 გოლიდა გააკეთა 11 საგოლე გადაცემა.