“დინამო თბილისი” “მაქაბისთან” დამარცხდა

“დინამო თბილისმა” უეფას კონფერენს ლიგაზე პირველი მატჩი გამართა და ისრაელის “მაქაბი ჰაიფასთან” 1-2 დამარცხდა.

“დინამოს” საუკეთესო ლეგიონერს, ზორან მარუშიჩს რეალური საგოლე მომენტი ჰქონდა, რომელიც ვერ გამოიყენა და მალევე “მაქაბიმ” ანგარიში მე-8 წუთზე გახსნა. გოლი ომერ ატცილის ანგარიშზეა.

“დინამოს” მომენტების შექმნა უჭირდა და პირველი ტაიმი 0-1 დასრულდა. მე-2 ნახევარში ომერის ნაცვლად მოედანზე დავიდი გამოვიდა და ზუსტად 2 წუთში ბურთიც შეაგდო.

ცხადაძემ 5-ვე ცვლილება განახორციელა და თბილისელებმა 85-ე წუთიდან მოყოლებული მატჩის სადავეები ხელთ იგდეს და 88-ე წუთზე კუთხურიდან ჩამოწოდებულს ბენიო გამოხმაეურა, პაპავამ კი ბურთს დაუხვდა და სხვაობა შეამცირა.

განმეორეობითი მატჩი 1 კვირაში ისრაელში გაიმართება.

დინამო 1-2 მაქაბი

გოლები: ომერი 8, დავიდი 66 – პაპავა 88

დინამო: მიგინეიშვილი – სპორსკლედე, ხვადაგიანი (კობოური 70), ბენიო, პაპავა, ხარაბაძე – რადინი (მორჩილაძე 78), ქარდავა (მექვაბიშვილი 46) – კუცია (ქავთარაძე 70), მარუშიჩი, გაბედავა (ოსეი 46)

მთავარი მწვრთნელი: კახა ცხადაძე

მაქაბი: კოენი – მერსონი, ჯერსონი, პლანიჩი, მენახემი – აბუ ფანი, როდრიგესი, შერი – ომერი, დონიო, ჰაზიზა

მთავარი მწვრთნელი: ბახარი