არჩილ ბერიძე ბათუმის “დინამოს გულშემატკივარს თხოვნით მიმართავს

ბათუმის “დინამოს” პრეზიდენტი არჩილ ბერიძე გუნდის გულშემატკივარს მიმართავს.

“ეს კლუბი თავიდან ბოლომდე ეკუთვნის ბათუმის გულშემატკივარს. მინდა მოვუწოდო მათ, რაც შეიძლება კორექტულად მოვიქცეთ მატჩებზე, რადგან კლუბი ფინანსურად არ დავაზარალოთ. თქვენ იცით ეს ფინანსური საქციები, რასაც მმართველი ორგანოები გვიწესებენ. კიდევ ერთხელ მსურს ჩვენ მაგარ გულშემატკივარს ვთხოვო არ გადმოვიდეთ მოედანზე, კორექტულად მოვიქცეთ და ხელი არ შევუშალოთ გუნდის განვითარებას ჩვენი რაღაც პერფორმანსით. ასევე, აუცილებლად იქნება “სივასპორსთან” უმაგრესი პერფორმანსები”, – განაცხადა ბერიძემ.

ბერიძის განცხადებით, მანძილი რეგიონებს შორის 580 კილომეტრია, მიმდინარეობს მოლაპარაკება კლუბებს შორის და ფან-კლუბის გარკვეული რაოდენობა მატჩზე დასწრებას თურქეთში შეძლებს.

პირველი შეხვედრა ბათუმში 5 აგვისტოს გაიმართება.