რამდენი ათასი ლარი მიიღო “დინამო ბათუმმა” 10 ათასი ბილეთის გაყიდვით?

საქართველოში ყველაზე მეტი გულშემატკივარი ბათუმის “დინამოს” მატჩებს ესწრება და ახალ სტადიონზე 20 000 ადამიანი ეტევა. რეგულაციებიდან გამომდინარე, მხოლოდ 50%, ანუ 10 ათასი ბილეთი იყო გასაყიდად გამოტანილი, რომელიც სულ რაღაც 4 საათში სრულად შეივსო.

ფანებს 5 და 25 ლარიანი ბილეთების შეძენა შეეძლოთ, რის გამოც, რამდენიმე საათიანი რიგის გავლაც მოუწიათ. სამხრეთ და ჩრდილოეთ სექტორებზე 5-ლარიანი ბილეთები, დასავლეთ და აღმოსავლეთზე კი 25 ლარიანი ბილეთებია. ჯამში “დინამომ” დაახლოებით ბილეთების გაყიდვიდან 210 ათასი ლარის შემოსავალი მიიღო. 100%-იანი დასწრების შემთხვევაში, ეს თანხა თითქმის 400-500 ათასი ლარი იქნებოდა.

გარდა ამისა, “სივასპორთან” გამარჯვების შემთხვევაში “დინამოს” საკმაოდ სოლიდურ თანხას Uefa-ც ჩაურიცხავს.