გაბლ სტივსონი: ‘125კგ წონითი კატეგორიის მეფე? ის აქ არის!’

3 ოქტომბერს, თავისუფალ ჭიდაობაში მსოფლიო ჩემპიონატზე, 125კგ წონითი კატეგორიის ფინალში გენო პეტრიაშვილი ირანელ ამირ ჰოსეინ ზარეს დაუპირისპირდა და დამარცხდა.

ზარემ გამარჯვების შემდეგ გვირგვინის აღმნიშვნელი ჟესტი აჩვენა, რითაც განაცხადა, რომ ამ წონით კატეგორიას ახალი ლიდერი ჰყავს.

სოციალურ ქსელში ჭიდაობის საერთაშორისო ფედერაციის გვერდზე ირანელი მოჭიდავის ჟესტის ამსახველი ვიდეო გამოქვეყნდა, წარწერით: “125კგ წონით კატეგორიაში ახალი მეფე გვყავს?”

ამ შეკითხვას მალევე გამოეხმაურა ტოკიოს ოლიმპიური თამაშების გამარჯვებული გაბლ სტივსონი, რომელიც წერს, რომ მეფე თავადაა: “დიახ, ის აქ არის.”

შეგახსენებთ, რომ სტივსონმა ოლიმპიადის მოგების შემდეგ რესლინგში გადაინაცვლა.

Yes, he’s right here! 😉🇺🇸 https://t.co/4ZMg366MmH

— Gable Steveson (@GableSteveson) October 3, 2021