კარაგერმა “ლივერპულისა” და “იუნაიტედის” საერთო თერთმეტეულში რონალდუ არ შეიყვანა

Sky Sports-ის ექსპერტებმა, ჯეიმი კარაგერმა და გარი ნევილმა, “მანჩესტერ იუნაიტედისა” და “ლივერპულის” ფეხბურთელებისგან საუკეთესო თერთმეტეული შეადგინეს. შეგახსენებთ, რომ მომავალ უიქენდზე სწორედ ეს ორი კლუბი დაუპირისპირდება ერთმანეთს.

ჯეიმი კარაგერმა თავის თერთმეტეულში კრიშტიანუ რონალდუსთვის ადგილი ვერ გამონახა და მის ნაცვლად გუნდში მეისონ გრინვუდი შეიყვანა – “გრინვუდის უდიდესი ფანი ვარ, ვთვლი რომ ის სუპერვარსკვლავია.”

როდესაც კარაგერს ჰკითხეს, შეძლებდა თუ არა რონალდუ “ლივერპულის” სასტარტო თერთმეტეულში ადგილის დამკვიდრებას, კარაგერმა მარტივად თქვა – “არა!”

რაც შეეხება გარი ნევილის მიერ შერჩეულ თერთმეტეულს, ამ უკანასკნელმა “მანჩესტერ იუნაიტედიდან” მხოლოდ ორი ფეხბურთელი – ჰარი მაგუაირი და კრიშტიანუ რონალდუ აირჩია.

ნევილმა ბრუნო ფერნანდეშის ნაცვლად კრიშტიანუ რონალდუს უკან რობერტო ფირმინო დააყენა.