სქოულზი უკმაყოფილოა: “უკეთეს გუნდთან შანსი არ ექნებოდათ”
“მანჩესტერ იუნაიტედის” ლეგენდამ, პოლ სქოულზმა, “ატალანტასთან” მოგებული მატჩი შეაფასა. შეგახსენებთ, რომ პირველ ტაიმს სულშერის შეგირდები ორბურთიანი სხვაობით აგებდნენ, მეორე ტაიმში კი მატჩის შემოტრიალება შეძლეს – 3:2.
“ჩემთვის გასაგებია “მანჩესტერ იუნაიტედისა” და ფანების ასეთი სიხარული, თუმცა შეხვედრის პირველი ტაიმი იგივე განცდებს არ აღმიძრავს. უკეთეს გუნდთან შანსი არ ექნებოდათ, მხედველობის არედან გააქრობდნენ.
“ატალანტას” ხუთი ფეხბურთელი აკლდა. გასაგებია ასეთი სიხარული, მაგრამ ზოგადი სურათით სიამოვნების მიღება შეუძლებელია. ყოველივე ეს დამაფიქრებელია. შეძლებენ უკეთეს გუნდთან ასე წარმატების მიღწევას? არა.
ნეიტრალური ფანებისთვის დიდებული საღამო იყო, გოლებითა და ემოციებით აღსავსე მატჩი. მაგრამ მე რეალისტი ადამიანი ვარ და “მანჩესტერ იუნაიტედისგან” მეტს ველი. გოლების ასე გაშვება არ შეიძლება,” – აცხადებს პოლ სქოულზი.
