პუიოლი: “ჩავის “ბარსას” გაწვრთნის შანსი მიეცემა”

“ბარსელონას” ყოფილმა მცველმა კარლეს პუიოლმა კატალონიური გუნდის მთავარი მწვრთნელის შესაძლო შეცვლის თაობაზე კომენტარი გააკეთა.

“დღესდღეობით გუნდს რონალდ კუმანი თავკაცობს და ისღა დაგვრჩენია, მას მხარი დავუჭიროთ. ჩავის არასდროს დაუმალავს, რომ “ბარსელონას” გაწვრთნა სურს. დარწმუნებული ვარ, რომ ოდესღაც მას ამის შესაძლებლობა ექნება და საქმიანობას ეფექტიანად გაუძღვება”, – პუიოლის სიტყვებს ინტერნეტპორტალი Sport.es აქვეყნებს.

შეგახსენებთ, რომ რონალდ კუმანი “ბარსელონას” 2020 წლის აგვისტოდან ხელმძღვანელობს. კატალონიურ გუნდს ესპანეთის პრიმერადივიზიონის მიმდინარე გათამაშების სატურნირო ცხრილში 15 ქულით მეცხრე ადგილი უკავია.