“ნიუკასლი” “ბარსელონას” ტალანტის ტრანსფერით ინტერესდება

“ნიუკასლ იუნაიტედის” ახალი მესვეურები პრემიერ ლიგის სატურნირო ცხრილში არსებული საგანგაშო მდგომარეობის ფონზე ხმაურიანი ტრანსფერების აუცილებლობას ხედავენ. კლუბის მილიარდელი მფლობელები ზამთარშივე აპირებენ ახალი პროექტისთვის საჭირო ფეხბურთელების მოყვანას.

“კაჭკაჭების” სატრანსფერო სიაში პირველ ადგილს “ბარსელონასა” და საფრანგეთის ნაკრების ახალგაზრდა ვარსკვლავი, უსმან დემბელე, იკავებს. გამოცემა Sport-ის ინფორმაციით, დემბელეს გადაბირების სურვილს ტურინის “იუვენტუსის” ხელმძღვანელების გამოთქვამენ.

დემბელემ “კამპ ნოუზე” გაცემული ავანსების გამართლება ვერ შეძლო და მზადაა ახალ გამოწვევებს შეეჭიდოს.

აქვე გეტყვით იმასაც, რომ დემბელე არ არის “ბარსელონას” ერთადერთი ფეხბურთელი, რომელსაც “ნიუკასლში” გადაბარგებას უწინასწარმეტყველებენ. დემბელეს ინგლისში, შესაძლოა, ფილიპე კოუტინიოც გაყვეს.