“ლივერპული” ჯუდ ბელინგემის ტრანსფერით ინტერესდება

დორტმუნდის “ბორუსიას” ახალგაზრდა ვარსკვლავი, ჯუდ ბელინგემი, შესაძლოა, უახლოეს მომავალში ინგლისის პრემიერ ლიგაში ვიხილოთ. შესაძლო ტრანსფერის შესახებ ინფორმაციას BILD ადასტურებს.

რამდენადაც ჩვენთვის ცნობილი ხდება, ინგლისელი ტალანტის ტრანსფერით პირადად იურგენ კლოპია დაინტერესებული. გერმანელი სპეციალისტი თვლის, რომ ბელინგემს წინ დიდი მომავალი აქვს და სურს რაც შეიძლება მალე გადაიბიროს საკუთარ გუნდში.

18 წლის ჯუდ ბელინგემს დორტმუნდელებთან ხელშეკრულება 2025 წლამდე აკავშირებს. ბელინგემმა ევროპის 2020 წლის ჩემპიონატის სამ მატჩში მიიღო მონაწილეობა და თავი საკმაოდ კარგად წარმოაჩინა.

ბელინგემი გერმანიაში 2020 წელს გადაბარგდა “ბირმინგემიდან” 25 მილიონი ფუნტის სანაცვლოდ. ფეხბურთელის ფასმა ბოლო დროს მნიშვნელოვნად მოიმატა და “ბორუსია” მისგან 100 მილიონი ევროს მიღებას ცდილობს.