“ეს თემურია და არადროს იცვლება” – ქეცბაიას ჟურნალისტები აკრიტიკებენ
კვიპროსული პრესა “ანორთოსისის” ქართველ მთავარ მწვრთნელ თემურ ქეცბაიას კრიტიკული წერილით მიმართავს.
“მწვრთნელების ბედი საქვეყნოდ ცნობილია. როცა გუნდს საქმე ცუდად მისდის, მწვრთნელები პოსტებს ტოვებენ, როგორც ეს კუმანის შემთხვევაში მოხდა. არ აქვს მნიშვნელობა, როგორი რეაქცია აქვს ქართველს კლუბის ფანების მიმართ ცუდი დღეების დროს, ჭკვიანურია, პრესკონფერენციებზე დებოში აირიდო თავიდან, როგორც ეს “აეკთან” მოხდა. ფანები ერთ დღეს გაგაღმერთებენ, მე-2 დღეს ციდან გადმოგაგდებენ პარაშუტის გარეშე.
მაგრამ ჟურნალისტები, მართლები არიან თუ არა, კრიტიკას ვერ შეწყვეტენ. მსოფლიოში, არავინ არის ისეთი, რომელმაც მწვრთნელზე მეტი იცის, მაგრამ კარგი ჟურნალისტი იკვლევს, ანალიზს აკეთებს და საჭირო ინფორმაციებს აგროვებს.
ამ დროს პრესკონფერენციების დატოვება, “ანორთოსისის” ხელმძღვანელობას რთულ სიტუაციაში არ აგდებს? უკეთესი არ იქნება ქეცბაიასთვის უფრო მეტად თავშეკავებული იყოს? მაგრამ “ეს თემურია და ის არასდროს იცვლება”, – წერს philenews.
ქეცბაიას “ანორთოსისში” ყველაზე ცუდი სტარტი აქვს და მხოლოდ 6 ქულა აქვს მოგროვებული. შემდეგ ტურში დერბში “ომონიას” წინააღმდეგ ითამაშებენ. ამ სეზონში თემურს რიგებში 3 ქართველი – ლორია, ნინუა და კაჭარავა ჰყავს.
