დანი ალვეში “ბარსელონაში” დაბრუნებაზე: “ამისთვის ხუთი წელი ვიბრძოდი”

ფეხბურთის ბრაზილიელი ლეგენდა, დანი ალვეში, რომელსაც ყველაზე მეტი ტიტული აქვს მოგებული, კატალონიის “ბარსელონაში” დაბრუნდა. ალვეშმა დაბრუნების შემდეგ პრესასთან პირველი კომენტარი უკვე გააკეთა.

“ხუთი წელი გიჟურად ვიბრძოდი ეს რომ მომხდარიყო. არ ვიცოდი, ასეთი რთული თუ იქნებოდა დაბრუნება და ამდენ დროს წაიღბდა. გულის სიღრმეში ვიცოდი, რომ ეს დღე ოდესმე დადგებოდა.

სახლში დავბრუნდი, საიდანაც არსად არ წავსულვარ. როგორც არაერთხელ მითქვამს, მე ყოველთვის ამ კლუბის ნაწილი ვარ. არ ვიცი, რამდენ ხანს გაგრძელდება სიზმარი, თუმცა გზა მუდმივად ასეთი იქნება.

მალე შევხვდებით ჩემთვის ყველაზე მომხიბვლელ ადგილას. ისეთივე ენთუზიაზმით ვაპირებ ბრძოლას. გვინდა, რომ ეს კლუბი კვლავ საუკეთესოდ ვაქციოთ,” – აცხადებს 38 წლის მცველი.