ჩავი: “მსოფლიოს საუკეთესო კლუბში ვარ, ნებისმიერის დამარცხება შეგვიძლია”

კატალონიის “ბარსელონაში” მოხდა ის, რასაც “კულეები” ამდენი ხნის მანძილზე ელოდნენ – კლუბის ხელმძღვანელებმა გუნდი ჩავი ერნანდესს ჩააბარეს. კატალონიური კლუბის ლეგენდამ ახალ ამპლუაში პირველი მატჩი უკვე ჩაატარა (“ესპანიოლი” მინიმალური ანგარიშით დაამარცხა).

“გვინდა, რომ ბურთს ჩვენ ვფლობდეთ, მეტოქეს მაღალი პრესინგი ვეთამაშოთ. როდესაც ბურთს დავკარგავთ, რაც შეიძლება სწრაფად უნდა დავიბრუნოთ. როდესაც ბურთს შენ ფლობ, მოგების მეტი შანსი გაქვს.

მსოფლიოს საუკეთესო კლუბში ვარ და მინდა, რომ ჩემპიონის მენტალიტეტი გამოვიმუშავოთ. ასეთი მენტალიტეტი უფრო მეტი მომენტის შექმნაში დაგვეხმარება.

ძალიან ბედნიერი ვარ “ბარსელონაში” დაბრუნებით, ეს საუკეთესო კლუბია. ჩვენ ნებისმიერი მეტოქის დამარცხება შეგვიძლია. ეს უბრალოდ ძალიან დიდ შრომას მოითხოვს,” – აცხადებს ჩავი.