ჟეზუში სეფეროვიჩის აცილებაზე: “30 წელია მწვრთნელი ვარ, ასეთი რამ არასდროს მინახავს”
ჩემპიონთა ლიგის ჯგუფური ეტაპის მეხუთე ტურში ლისაბონის “ბენფიკა” “კამპ ნოუს” ეწვია. ფეხბურთის ექსპერტებმა ეს მატჩი ჯგუფის ფინალად მონათლეს, რადგანაც გამარჯვების შემთხვევაში თითქმის გადაწყვეტილი ხდებოდა, თუ რომელი გუნდი გადიოდა შემდეგ ეტაპზე.
მატჩი ფრედ, ანგარიშით 0-0 დასრულდა. შეხვედრის დამატებულ დროში “ბენფიკას” შემტევ ჰარის სეფეროვიჩს ბრწყინვალე საგოლე მომენტი შეექმნა, თუმცა ცარიელ კარში გოლის გატანა ვერ მოახერხა.
“30 წელია მწვრთნელი ვარ, მაგრამ ასეთი რამ არასდროს მინახავს. საუბედუროდ, ასეთი რამ მოხდა და ჩვენ დაგვემართა.
გუნდმა არაერთი სახიფათო მომენტი შექმნა მეტოქის კართან. ჩვენ მივიღეთ შედეგი, რომელიც მომდევნო ეტაპზე გასვლის ოცნებას გვინარჩუნებს. ჯგუფური ეტაპის დასრულებამდე ერთი ტურია დარჩენილი, ჩვენ კი შანსი გვაქვს.
სამწუხაროდ, ყველაფერი ჩვენზე არ არის დამოკიდებული. ჩვენ “ბარსელონას” ვუწევთ წინააღმდეგობას, გუნდს, რომელიც ჩემპიონთა ლიგის მოგებისთვის იბრძვის. ფანები ამით უნდა ამაყობდნენ,” – აცხადებს პორტუგალიური კლუბის თავკაცი.
Seferovic with the miss of the century #UCL pic.twitter.com/H25upQNAP2
— ً (@Asensii20) November 23, 2021
The Benfica bench couldn't believe Seferovic's miss 😵 pic.twitter.com/9e4pgZOjMw
— DAZN Canada (@DAZN_CA) November 23, 2021
