რივალდო: ‘მესიმ ოქროს ბურთი დაიმსახურა, მაგრამ ისტორიაში საუკეთესო არ არის’

ლეგენდარულმა ბრაზილიელმა ფეხბურთელმა რივალდომ ლიონელ მესის შესახებ კომენტარი გააკეთა. ვეტერანი თავდამსხმელი ფიქრობს, რომ არგენტინელმა წელს ოქროს ბურთი დამსახურებულად მოიგო.

“მესიმ წელს ოქროს ბურთი დაიმსახურა. მან არგენტინის ნაკრებთან ერთად კოპა ამერიკა მოიგო და ტურნირის საუკეთესო მოთამაშე გახდა. დღეს ბევრი ნიჭიერი ფეხბურთელია, ამიტომ გამარჯვებულთან დაკავშირებით კამათი იქნება. შესაძლოა, მესის საოცარ კარიერას ხმის მიმცემ ადამიანებზე გავლენაც ჰქონდა.

რა თქმა უნდა, ყველა დროის ერთ-ერთი საუკეთესო ფეხბურთელია, მაგრამ რთული სათქმელია, რომ ის საუკეთესოა. მას მსოფლიო ჩემპიონატი ჯერ კიდევ არ მოუგია. მაგალითად, პელემ მუნდიალი ბევრჯერ მოიგო, ამიტომაც არ მგონია, რომ მესის ყველა დროის საუკეთესო მოთამაშედ მოხსენიება სწორი იყოს”, – უთხრა რივალდომ betfair-ს.