ზურიკო დავითაშვილმა -12 გრადუსში ტრავმა მიიღო

ტულის “არსენალი” მოსკოვის “ცსკას” ესტუმრა და 2-0 დამარცხდა.

ზურიკო დავითაშვილი ძირითადში იყო, აქტიურობდა და 43-ე წუთზე საჯარიმოში მარიო ფერნანდეში ქართველს ისე ეუხეშა, ზურიკოს მოედნის დატოვება სამედიცინო პერსონალის დატოვებით მოუწია. ამ ეპიზოდზე მთავარ მსაჯს არავითარი რეაქცია არ ჰქონია, არც პენალტი დანიშნა, რამაც ტულელთა აღშფოთება გამოიწვია და აპირებენ ეპიზოდის განხილვა სამსაჯო კომიტეტში მოითხოვონ.

“მატჩის გადადება? ჩვენთვის არავის არაფერი უთქვამს, ვიცოდით, რომ სიცივე იქნებოდა. ასეთ ამინდში თამაში ძალიან რთულია, მაგრამ ამას ჩემ ტრავმასთან კავშირი არ აქვს. პირადად მე, ზაფხულში მირჩევნია”, – განაცხადა დავითაშვილმა მატჩის შემდეგ. პირველი შეხედვით, ტრავმა სერიოზული არ არის.

შეხვედრამდე დელეგატები ტემპერატურას ამოწმებდნენ, რამდენად შეიძლებოდა თამაში ამ სიცივეში.