თბილისის”დინამო” ყოფილ კაპიტანს იბრუნებს

თბილისის “დინამო” ახალი სეზონისთვის სერიოზულად იწყებს მზადებას და გუნდის მე-2 ტრანსფერი გორის “დილას” უსწრაფესი ლეგიონერი, უსმანე კამარა გახლავთ.

კამარა “დილაში” “ვალერენგადან” იყო განათხოვრებული და კარიერას, ამჯერად, “დინამოში” გააგრძელებს. გვინეელმა თავი სისწრაფით და დრიბლინგით დაგვამახსოვრა. ელიგის 36 მატჩში კი 8 გოლი და 5 საგოლე პასი შეასრულა.

გარდა ამისა, “დინამოს” იჯარით ყოფილი კაპიტნის, ნიკა ნინუას დამატება სურს, რომელიც “ანორთოსისიდან” “პაოკში” დაბრუნდა, თუმცა არამგონია, სათამაშო დრო მიიღოს, თბილისელებს კი ცენტრალური ნახევარდაცვა აქვთ გასაძლიერებელი.

ნინუას “პაოკთან” კონტრაქტი 2024 წელს ეწურება, რომელმაც 2020 წლის აგვისტოში მის სანაცვლოდ 850 ათასო ევრო გადაიხადა.

ცხადაძე/რეხვიაშვილის დუეტმა პირველი ტრანსფერი “გაგრადან” განახორციელა – მეკარე დავით კერესელიძე.