“მინდა რომ ლაშა ტალახაძეს გადავასწრო” – 18 წლის ირანელი ძალოსანი

18 წლის ირანელმა ალირეზა იუსეფიმ ახალგაზრდებს შორის მისი თანამემამულის, ალი დავუდის რეკორდი 1 კილოგრამით გააუმჯობესა და აკვრაში 238 კილოგრამი აწია.

ალირეზა იუსეფიმ რამდენიმე დღის წინ ჩატარებულ მსოფლიო ჩემპიონატზე, სადაც ლაშა ტალახაძემ 492 დააფიქსირა, 421 კილოგრამი აწია და მისთვის საპატიო მე-7 ადგილი დაიკავა.

იუსეფი მზად არის რეკორდები ახლა უკვე დიდების კატეგორიაშიც მოხსნას.

“მე აღფრთოვანებული ვარ იმით, რაც ტაშკენტში გავაკეთე. ჩემი პირველი მიზანი ახალგაზრდებს შორის რეკორდის დამხობა იყო. ახლა სხვა მიზნები მაქვს. ძალიან მნიშვნელოვანი იყო მსოფლიოზე ჩემი პოტენციალი მეჩვენებინა. მომავალ წლებში ყველაფერს გავაკეთებ, რათა უფრო მეტი წონა ავწიო და ლაშა ტახალაძეს გადავასწრო”, – განაცხადა იუსეფმა.