“სამწუხაროდ, ვერ შევთანხმდით” – “თელავის” განცხადება
საფეხბურთო კლუბი “თელავი” ოფიციალურ გვერდზე განცხადებას ავრცელებს.
“ძვირფასო გულშემატკივრებო, მართალია, რამდენიმე დღის წინ გაცნობეთ, რომ სკ “თელავი” არ იშლება და კლუბის ხელმძღვანელობაც აქტიურ მოლაპარაკებას აწარმოებდა ფეხბურთელებთან ხელშეკრულების გაგრძელების თაობაზე, მაგრამ უდიდესი სურვილის და არაერთი მცდელობის მიუხედავად, სამწუხაროდ, ვერ შევთანხმდით…
დაბეჯითებით გეტყვით, რომ ყოველივე ზემოთქმულიდან გამომდინარე, კლუბი, ცხადია, არსებობას არ წყვეტს, მაგრამ ფაქტობრივად, სრულიად ახალი გუნდით და თავისთავად, ახალი მწვრთნელით მიიღებს მონაწილეობას 2022 წლის ეროვნულ ჩემპიონატში და ასევე ისიც გვჯერა, რომ ჩვენს დევიზს არ გადავუხვევთ!
ერთი სიტყვით, ჩვენი გუნდის მაისურით მომავალი სეზონიდან არ ითამაშებენ:
- მიხეილ ბაშელეიშვილი
- ირაკლი რუხაძე
- თორნიკე ძოწენიძე
- ლაშა შერგელაშვილი
სკ “თელავი” მადლობას უხდის ბიჭებს, ჩვენი გუნდისთვის მართლაც კოლოსალური შრომით და სიყვარულით გაწეული სამსახურისთვის და სამომავლოდ თითოეულ მათგანს ყოველივე საუკეთესოს და წარმატებებს ვუსურვებთ მადლობა ბაშალ, მადლობა რუხა, მადლობა ძოწენ და მადლობა შერგელ – ყველაფრისთვის გემადლიერებით, ძალიან გაფასებთ და გვიყვარხართ”, – წერია განცხადებაში.
რამდენიმე წუთში “სამგურალმა” ბაშელეიშვილისა და რუხაძის ტრანსფერები გამოაცხადა. “თელავს” ერთ-ერთ სპონსორად “კროკობეთი” ჰყავდა, რომელიც ახალი წლიდან სხვა კაზინოებთან ერთად ქართულ გუნდებს აღარ დაასპონსორებს.
