ვოლკანოვსკი: “გიგა ჭიკაძეს ძალიან ცუდ სანახავს გავხდიდი”
UFC-ის მსუბუქი წონის 33 წლის ჩემპიონმა ალექსანდრე ვოლკანოვსკიმ გიგა ჭიკაძეზე ისაუბრა.
“ყოველთვის არის ხალხი, რომლებიც “თრეშ” საუბარს იყენებენ და ეს თამაშის ნაწილია, მესმის ეს. მაგრამ სხვა ასპექტებიც არსებობს და ეს უკვე უპატივცემულობაა, არა მარტო ჩემთვის, კელვინ კატარისთვისაც. შენ წინ ტოპ კანდიდატია და ისე იქცევი და საუბრობ, თითქოს, უბრალოდ გადაუვლი. არადა, ყველამ ვნახეთ რაც მოხდა. როცა ამბობ, რომ უფრო მარტივ გზას ირჩევ და ამით კორეელ ზომბს შეურაცხყოფ, ეს უკვე ყველას შეურაცხყოფაა.”
“გიგას შევხვდი და მითხრა, რომ ჩემთან ბრძოლა სურდა. მე ვუთხარი, გააგრძელე ის, რასაც აკეთებ. ცუდი ბიჭი არაა, მაგრამ ცუდი არჩევან იყო მსგავსი განცხადებები, რადგან მატჩამდე ყველას განადგურებას აპირებდა, ახლა კი ცოტა იდიოტივით ჩანს”
“კატართან მატჩმა გიგას თვალები აუხილა. თუ Giga Kick-ს გაანეიტრალებ, ის უბრალოდ სავარჯიშო ტომარა ხდება. როცა კონკურენტებს ებრძვი, საუკეთესო ბიჭებს, უფრო მეტი უნდა იმუშავო კარდიოზე, ოპონენტის შესწავლაზე და სხვადასხვა კომპონენტებზე. ჩემთან ბრძოლისას ძალიან ცუდ სანახავს გავხდიდი. ის ჩემ დონეზე არაა”, – განაცხადა ჩემპიონმა.
ჭიკაძე კატართან გამარჯვების შემთხვევაში ვოლკანოვსკის გამოწვევას აპირებდა, თუმცა ეს მომენტი გარკვეული დროით გადაიდო.
