ქართველი აგენტი: “ხვიჩა კვარაცხელია თითქოს არც არსებობს”

რუსეთში მომუშავე ქართველმა აგენტმა თემურ ღურწკაიამ ხვიჩა კვარაცხელიაზე ისაუბრა.

“ხვიჩაზე საუბარი საერთოდ არ მიდის. თითქოს ესეთი ფეხბურთელი საერთოდ არ არსებობს, ინტერესი სრულიად დაიკარგა. თუ გაზაფხულზე სიტუაცია არ გამოასწორა, იქნება ისევ ინტერესი მის მიმართ და მისცემენ “რუბინს” 10 მილიონს? “რუბინისთვის” ეს ძალიან მნიშვნელოვანი გაზაფხული იქნება”, – განაცხადა ღურწკაიამ.

გავრცელებული ცნობით, ყაზანური გუნდი ხვიჩას ყველა მსურველს 15-დან 20 მილიონამდე ევროს სთხოვდა.

კვარაცხელიამ სეზონის პირველ ნახევარში 15 მატჩი გამართა და 1 გოლი და 2 საგოლე პასი განახორციელა. დეკემბერში Transfermartk-მა კვარა 16 მილიონად შეაფასა, როცა მანამდე 18 მილიონად იყო შეფასებული.