ესპანური პრესა აღფრთოვანებულია – “ყველაზე დაბალი ხელფასით ძირითადი მეკარე გახდა”

PlazaDeportivo გიორგი მამარდაშვილის შესახებ წერს და აღნიშნავს, რომ მე-2 გუნდისთვის განკუთვნილი მეკარე დღეს “ვალენსიას” ძირითადის წევრია და თანაც, ერთ-ერთი ყველაზე დაბალი ხელფასით.

“მამარდაშვილში “ვალენსიამ” ჯერ მხოლოდ ნახევარი გადაიხადა, ნახევარს კი ივლისში გადაიხდის და ჯამში 900 ათასი ევრო გამოვა. თვითონ ფეხბურთელსაც დაბალი ხელფასი აქვს, პრემია – ბონუსებით, დაახლოებით, 1 მილიონამდე გამოვა. მასზე ბევრი გუნდში ძალიან ბევრ მოთამაშეს აქვს, მაგრამ ეს ჯერ არაფერია. გიორგი მხოლოდ 21 წლისაა და წინ დიდი კარიერა ელის” – აფასებს PlazaDeportivo მამარდას.

“ვალენსიამ” რივერო სეგუნდა დივიზიონის “ალკორკონში” გაუშვა, სილესენმა ოპერაცია გაიკეთა და კიდევ რამდენიმე კვირა იუქმებს, გიორგიმ კი ხაუმე სკამზე დააბრუნა. თუ ბორდალასი რამე განსაკუთრებულს არ მოიფიქრებს, ქართველი 20 თებერვალს “ბარსელონას” წინააღმდეგ ითამაშებს.