“ილოცე, სადმე არ გადამეყარო, ცხვირს მოგატეხავ შე ნაბი*ვარო” – ქვილითაია კვიპროსულ ამბებში

სოციალურ ქსელში ფოტო გავრცელდა, სადაც, სავარაუდოდ, გიორგი ქვილითაია “ანორთოსისის” ფეხბურთელს, ამრ ვარდას მიმართავს და ცხვირის გატეხვით ემუქრება.

ყველაფერი კი ასე დაიწყო: “აპოელსა” და “ანორთოსისს” შორის ყოველთვის განსაკუთრებით დაძაბული მატჩები იმართება და ფანებიც ერთმანეთზე კარგი წარმოდგენის ნამდვილად არ არიან.

2 დღის წინ “ანორთოსისმა” “აპოელი” ლორიას საოცარი სეივების წყალობით დაამარცხა. მატჩის შემდეგ “ანორთოსისის” ვინგერმა, ამრ ვარდამ გამარჯვება ფანებთან ერთად აღნიშნა და “აპოელს” შეურაცხყოფა მიაყენა.

“ანორთოსისის” ავტობუსს “აპოელის” ფანები დაედევნენ და ქვებით ავტობუსის ფანჯრები ჩაუმსხვრიეს. საბედნიეროდ, არავინ დაშავებულა.

“აპოელი” ინციდენტს ასე გამოეხმაურა: “ვგმობთ ყველანაირ ძალადობას და ძალადობას ფეხბურთში ადგილი არ აქვს! ასევე, ადგილი არ აქვს ფეხბურთში ისეთ ქცევებს, როგორც ეს ამის ოსტატმა, 74-მა ნომერმა გააკეთა”

74 ნომერი სწორედ ამრ ვარდაა, რომელიც საერთოდ გამოირჩევა მსგავსი საქციელებით. მაგალითად, 2017 წლის 9 აგვისტოს “პაოკიდან” დისციპლინის პრობლემების გამო პორტუგალიურ “ფერეინსეში” გაანათხოვრეს, თუმცა 3 დღის მერე კონტრაქტი გაუწყვიტეს. მიზეზად, თანაგუნდელების ცოლების შეურაცხყოფა დასახელდა.

2019 წლის ივნისში ვარდა ეგვიპტის ნაკრებიდან მისი შეუსაბამო საქციელების გამო მოკვეთეს. გავრცელებული ინფორმაციით, თავისი გენიტალიების ფოტოებს უამრავ ქალს უგზავნიდა, რომლებმაც შემდეგ ეს ყველაფერი გაასაჯაროვეს. შესაძლოა, სწორედ მათგან ისწავლა ეგვიპტელმა ეს ყველაფერი და ქვილითაიას მიერ მისთვის გაგზავნილი მესიჯი სოციალურ ქსელში გავრცელდა.

“ცხვირს გაგიტეხავ, ილოცე, რომ სადმე არ გადამეყარო შე ნაბი*ვარო”.

შესაძლოა, პოლიციამ გამოძიებაც დაიწყოს…