ყაველაშვილი: “გარკვეული ორგანიზაციები რუსეთთან თამაშის ჩაშლას აპირებენ”
სპორტის კომიტეტის თავჯდომარემ, მიხეილ ყაველაშვილმა 27 თებერვალს საქართველო – რუსეთის რაგბის თამაშის შესახებ ისაუბრა.
“ყველა აქვს შესაძლებლობა, გამოხატოს თავისი ემოცია და უგულშემატკიროს ნაკრებს, მაგრამ არაფრის დიდებით არ დავუშვებთ, შეურაცხყოფა მიაყენონ სპორტსმენებს ან რაიმე პროვოკაცია მოაწყონ. ღირსება, შენი ქვეყნის სიყვარული და პატრიოტიზმი მეტოქის ღირსების შეურაცხყოფაში არ გამოიხატება. მოვიხსენიებ ვაჟა ფშავალას “სტუმარ-მასპინძელს”, რაზეც გაზრდილები ვართ ჩვენ”, – განაცხადა ყაველაშვილმა.
თავის მხრივ, “ევროპული საქართველო”, მოძრაობა “სირცხვილია” და ორგანიზაციები აცხადებენ, რომ ცივილურ ფორმებში აპირებენ პერფორმანსების ჩატარებას და პროვოკაციებზე საუბარი არც არის. სტადიონზე უკრაინის დროშით მისვლა კი ყველას შეუძლია.
აღსანიშნავია, რომ საქართველოს რაგბის კავშირს ოფიციალურ გვერდზე მატჩის პოსტერი უკრაინულად ჰქონდა გამოქვეყნებული, მაგრამ რაგბი ევროპას მოთხოვნით, წაიშალა.
