უკრაინაში მებრძოლ გიორგი ზანთარაიას დახმარება სჭირდება
გერმანიის ბუნდესლიგის ძიუდოისტთა კლუბი “აბენსბერგი” სოციალურ ქსელში განცხადებას ავრცელებს და გერმანელ მოსახლეობას მხარდაჭერას სთხოვს.
როგორც გავრცელებულ პოსტშია აღნიშნული, უკრაინაში მყოფ ქართველ გიორგი ზანთარაიას დახმარება სჭირდება.
“ჩვენ გიორგის დახმარება სჭირდება, მაგრამ ყველაზე მეტად წამლები, მყარი საჭმელი, ჰიგიენური ნივთები, პლედები/საძილე ტომრები, ქურთუკები, ფეხსაცმელები, ბავშვების ტანსაცმელები და სათამაშოებია საჭირო. გთხოვთ, დახმარების მსურველებს ნივთები ყუთში შეფუთული მოიტანოთ. ყველა მხარდაჭერს 26 მარტს დაგეგმილ მატჩზე უფასოდ შეეძლებათ შესვლა”, – წერს “აბენსბერგის” კლუბი.
რამდენიმე დღის წინ ზანთარაიამ სოციალურ ქსელში ავტომატის ფოტო გამოაქვეყნა შემდეგი მიმართვით: “კიევში ვარ და ბოლომდე ვიქნები”
თუ უკრაინაში მყოფთა დახმარების სურვილი თქვენც გაქვთ, შეგიძლიათ თბილისის მერიას ან სხვა არასამთავრობო ორგანიზაციებს მიმართოთ, რომლებიც ჰუმანიტარულ დახმარებას გზავნიან.
