ევლოევი თოფურიაზე: “ეს დაბალი მე დამიტოვეთ!”
ილია თოფურიასა და პედი პიმბლეტს შორის არსებულ დაძაბულ ურთიერთობას სოციალური ქსელის საშუალებით UFC-ის რუსი მებრძოლი დამირ ისმაგულოვი გამოეხმაურა.
ისმაგულოვი ინსტაგრამში თოფურიასა და პიმბლეტზე წერს: “მე შემიძლია ამ ორივეზე ერთ ღამეს ვიზრუნო.”
ისმაგულოვის სიტყვებმა კიდევ ერთი რუსი მებრძოლის, წარმოშობით ინგუში მოვსარ ევლოევის ყურადღება მიიპყრო. როგორც იცით, ევლოევსა და თოფურიას ერთმანეთთან იანვარში უნდა ეჩხუბათ, მაგრამ მაშინ რუსი სპორტსმენის გამო შეხვედრა ჩაიშალა.
მოვსარ ევლოევი: “დამირ, ძმაო, ასეთი ხარბიც ნუ იქნები! შენ შეგიძლია ქერაზე იზრუნო, მაგრამ ის დაბალი [ილია თოფურია] მე დამიტოვე.”
Damir bro, don’t be so greedy! You can take the blonde, but leave the shorty to me 😎 pic.twitter.com/2YI9C0JNhz
— Movsar Evloev (@MovsarUFC) March 21, 2022
შეგახსენებთ, რომ ევლოევი და თოფურია სოციალურ ქსელში აქამდე ერთმანეთს რამდენჯერმე დაუპირისპირდნენ. ერთ-ერთ ინტერვიუში რუსმა მებრძოლმა თქვა, რომ საქართველოში მას უფრო მეტი ფანი ჰყავს, ვიდრე – ილიას.
