რომან აბრამოვიჩი ახალ გუნდს ყიდულობს

ლონდონის “ჩელსის” მფლობელი და ბრიტანეთის მიერ სანქცირებული მილიარდერი რომან აბრამოვიჩი თურქულ გუნდ “გიოზთეფეს” ყიდულობს.

აბრამოვიჩი ლონდონიდან წამოსვლის შემდეგ ისრაელმა და პორტუგალიამ არ მიიღო და თურქეთში წავიდა, სადაც თავისი ორი უმდიდრესი იახტაც გადაიყვანა.

Daily-ს ცნობით, რომანს ჯერ კიდევ არ აქვს გაყიდული “ჩელსი”, თუმცა “გიოზთეფეს” პრეზიდენტ მეჰმეთ სეპილს აქტიურად ელაპარაკება და ფასზე რიგდებიან.

გუშინ გავრცელდა ინფორმაცია, რომ უკრაინის პრეზიდენტმა ვოლოდიმირ ზელენსკიმ ამერიკის პრეზიდენტ ჯო ბაიდენს სთხოვა აბრამოვიჩი სანქცირებულთა სიიდან ამოეღო, რადგან მილიარდერს შეუძლია დადებითი როლი ითამაშოს რუსეთ-უკრაინის მოლაპარაკებებში.

როგორც ჩანს, აბრამოვიჩს სურს “ჩელსის” გაყიდვის შემდეგ კლუბი ჰქონდეს, რომელსაც ეპატრონება.

“გიოზთეფე” თურქეთის სუპერლიგაში გამოდის და 27 ქულით გასავარდნ ზონაშია.