“რუბინის” პროვოკაცია? – ყაზანური კლუბი ხვიჩა კვარაცხელიას ფოტოს აქვეყნებს

ბოლო დროის განმავლობაში არ წყდება საუბარი იმის შესახებ, რომ ხვიჩა კვარაცხელია ყაზანის “რუბინს” დატოვებს და მას მალე ახალ გუნდში ვიხილავთ.

ორი დღის წინ გავრცელდა ინფორმაცია, რომ უდიდესი ალბათობით, ის, მინიმუმ ზაფხულამდე, საქართველოს ჩემპიონატში, ბათუმის “დინამოში” ითამაშებდა. თუმცა, გუშინ ეს ინფორმაცია “რუბინმა” უარყო.

საქართველოს დროით, 24 მარტს, 03:00 საათზე “რუბინმა” სოციალურ ქსელ Facebook-ში გარეკანის ფოტო შეცვალა, ახალ ფოტოზე კი ხვიჩა კვარაცხელიაა გამოსახული. რას უნდა ნიშნავდეს რუსული კლუბის ეს ჟესტი – პროვოკაციაა თუ მართლაც ის ამბავია, რომ ქართველი ფეხბურთელი გუნდს ჯერ არ შეიცვლის?

შეგახსენებთ, რომ ხვიჩა ამჟამად საქართველოს ნაკრებთან ერთად შეკრებაზე იმყოფება და ბოსნია-ჰერცეგოვინასა და ალბანეთთან გასამართი მატჩებისათვის ემზადება.