“რუბინი” ასე მხოლოდ კვარას ექცევა – რა ხდება საერთოდ?
გუშინ ბათუმის “დინამოს” ოფიციალურმა გვერდმა ხვიჩა კვარაცხელიას ბუნდოვანი ფოტო გამოაქვეყნა და პრაქტიკულად დაადასტურა, რომ ფეხბურთელი კარიერას ბათუმში გააგრძელებდა.
მოგვიანებით, “დინამოს” პრეზიდენტმა არჩილ ბერიძემ მოულოდნელი კომენტარი გააკეთა და განაცხადა, რომ “ხვიჩას და ზურიკოს გადმოსვლის დადასტურების საფუძველი არ აქვს”.
შემდეგ საქმეში კვლავ “რუბინი” ერთვება და რუსეთში უკვე დაბლოკილ Facebook-ზე თბილისის დროით 3 საათზე გარეკანზე კვარაცხელიას ფოტოს აყენებენ.
Twitter-ზე კი ხვიჩას ზაფხულის ფოტოზე შემდეგ წარწერას ამონტაჟებენ: “გეყოთ წერა, რომ სადმე მივდივარ”
რაც ყველაზე მნიშვნელოვანი და საინტერესოა, “რუბინს” მსგავსი რამ არცერთ ფეხბურთელზე, მათ შორის, არც კაპიტანზე არ გაუკეთებია. გუნდიდან დრეიერი, ჰაკსაბანოვიჩი, ურემოვიჩი წავიდნენ, თუმცა ყაზანელები ასე არავის გაჰყოლიან.
ხვალ მოთამაშე საქართველოს ნაკრების რიგებში ბოსნია-ჰერცეგოვინას დაუპირისპირდება და იმედია, რამეს მაინც მიგვახვედრებს.
